Pas emërimit të shefit të Agjencisë Kosovare të Inteligjencës (AKI) dhe Inspektorit të Përgjithshëm të këtij institucioni nga kryeministri në detyrë, Ramush Haradinaj dhe presidenti i vendit, Hashim Thaçi, kanë ardhur reagimet e para.

Është Mefail Bajqinovci nga Lëvizja Vetëvendosje,  i cili thotë se institucionet e sigurisë vazhdojnë të jenë të kapura.

Bajqinovci në Facebook  ka shkruar se  PDK dhe AAK i kanë kapur brutalisht dy institucione të sigurisë duke emëruar në to eksponentë e vet në pozita kyçe.

Sipas tij PDK dhe AAK po vazhdojnë t’i kapin brutalisht dy institucionet e sigurisë, AKI-në dhe Inspektorit të saj.

“PDK dhe AAK i kapin brutalisht dy institucionet e sigurisë siç janë AKI dhe Inspektorit të AKI-së duke i emëruar eksponentët e vet në pozita kyqe. Ish- sekretari i MPJ-së Kreshnik Gashi në kohën kur Hashim Thaçi ishte minister i jashtem u emërua drejtor i AKI-së. Burim Ramadani zyrtar i AAK-së emërohet Kryeinspektor i AKI-se. Kapja e institucioneve me njerëz partiak po vazhdon. Këto vendime do të zhvlerësohen me ardhjen e qeverisë Kurti”, ka thënë ai.

Bajqinovci ka shkruar se Kreshnik Gashi kishte qenë sekretar në MPJ në kohën kur Hashim Thaçi kishte qenë Ministër i Punëve të Jashtme./arbresh.info

Reagimi i plotë:

Kapja e institucioneve të sigurisë po vazhdon.

PDK dhe AAK i kapin brutalisht dy institucionet e sigurisë siç janë AKI dhe Inspektoriati i AKI-së duke i emëruar eksponentët e vet në pozita kyqe.

Ish- sekretari i MPJ-së Kreshnik Gashi në kohën kur Hashim Thaçi ishte minister i jashtem u emërua drejtor i AKI-së.

Burim Ramadani zyrtar i AAK-së emërohet Kryeinspektor i AKI-se.

Kapja e institucioneve me njerëz partiak po vazhdon.

Këto vendime do të zhvlerësohen me ardhjen e qeverisë Kurti.

BOLL MA